Hans-Hermann Briese: Buchenwald

Wo is ’t mögelk:
Dag för Dag
de Minsken moorden,
’snachts de Uppass-Wieven
in ’t Nüst tucken.

Foto-Alben heel akkraat:
„De Wachlüü scheten up en Mann“
„De Kapo knackt de Liek de Kopp,
klaut hör dat Kusen-Gold“
„De Hunnen vermoord’n en Wicht“ 1)

Wo kann ’t angahn.
„De Dood is en Baas in Düütsland“ 2)
„De Banalität van ’t Quade“ 3)

1) Ut: „Ilse Koch“, van Woody Guthry 1948, in: „As Gotteshusen brannt hebben“
2) Ut: „Die Todesfuge“ van Paul Celan 1944/45
3) Eichmann-Prozess in Israel 1961, Erkenntnis van Hannah Arendt