Ik gah as dör en Wunner

De Boom is vull van Blössems*,
De Lücht is vull van Sang,
De Wereld is vull Sünnschien,
Mien Hart is vull van Klang.

Waarhen ik ok mag kieken,
Waar ik mien Kopp hen dreih,
Ut elker Blomentuuntje*,
Daar lacht mi an de Mai.

Ik gah as dör en Wunner
Mit Ogen hell un blied –
Wat büst du moi, mien Heimat,
In disse Vörjahrstied!

To Gedenken an Johann Friedrich Dirks, overleden 1949 in Emden,
gifft dat siet 2012 de Johann-Friedrich-Dirks-Pries,
dat Utschrieven för 2015 hier.