Höör ji 't, Kinner? Nu word 't Vörjahr!
Bookfink krüült un Drussel sleit,
Hoog up 't Nüst steiht Ojevaar,
Höört man, wat he klappern deit!

Süh! As Wulken langs de Heven
Dör de hoge blaue Lücht
Seil'n d'r Blutters, swieren, sweven -
See her kummt d'r 'n Aantenflücht.

Rootborst, höör! Is fien an 't Dichten;
Un Fründ Lüüntje up de Hill
Mutt insweer sien Sünden bichten,
Ehr sien Leevst hum frejen will.

Kunterbunt word 't an de Dieken;
Bi elk Plaats un bi elk Kaat
Röppt un löppt dat na Siensglieken -
Heel Natüür draggt Hochtiedsstaat.

So in DIESEL 99 Feb. 2017