Kummt daar ’n Wiev, gries as ’n Sack,
Un jaggt di groff ut all Gerack.
De schrubbt un rubbt mit Bessens lang
Di Huus un Hoff un Straten blank.
Heel sünner Aart un Schick un Wies
Gütt s’ di dat Water emmerwies
Up ’t Dack, in ’t Fatt,
In Gööt un Gatt,
Un kleit di all dien Kamers natt:
Schoh, Hemd un Büx van Water stiev,
Se rubbt een rein dat Hart ut d’ Liev,
November, dat oll Schummelwiev. \\

Ut: Zs. Ostfriesland, Folge 8, Band V, Oktober 1942, S. 24
Nu in DIESEL 98, November 2016. Proovheft besörgen!