Diesel - dat oostfreeske Bladdje

Louis Victor Israels

Bunt Knuudje *

„Waarum, mien leev Truudje,
maakst du so 'n scheev Snuutje?
Ik will man en Duutje*!“

„Och! Laat dat doch, Luudje*!
Du büst en fien Spruutje*,
ik segg 't an mien Muudje!“

Do leep se na Muudje.
De satt vör dat Ruutje*
un att jüst en Stuutje*.

Se reep: „Mien good Muudje!
O, help mi doch! Luudje
will van mi en Duutje!“

„Wat sall dat?“, sprook Muudje,
„Du büst doch sien Bruudje!
D'rum geev hum en Duutje!“

Do gaff gau uns Truudje
en lecker sööt Duutje
hör Luudje up 't Snuutje!

*) Duutje = Kuss *) Knuudje = Knäuel *) Ruutje = kleine Fensterscheibe *) Spruutje = Sprössling *) Stuutje = Brötchen – L.V. Israels was en Jööd un plattdüütse Schriever ut Weener. –
Theo Schuster hett in twee Boken heel vööl Gedichten, Vertellsels, Dööntjes un kloke Texten over de Jöden in Oostfreesland tosamenstellt. „Weet ji wall, wor Löbje wohnt“ un nett nu „Aber die Juden sind fort“