Diesel - dat oostfreeske Bladdje

De Kinner, de d'r nüütjes sünd
Un alltied froom un flietig bünd,
Sowoll de blanke Deerentjes
Mit Ogen klaar as Steerentjes
As ok de Jungs mit geelkruus Haar,
De wünsk ik en glücksaligs Jahr.
Man de d'r faak to prulen stahnt
Un nich up Tied na Bedd to gahnt,
Wenn de sük nich bekehren,
Denn sall de Buus hör 't leren!
De packt hör bi de Haar in d' Nack
Un steckt hör in sien grote Sack.

(Willm Jacobs Willms, 1839-1881)